Foto’s

Foto’s

  • Deh den daor zien ze. In ein joeksig en gevöld PoerkerPaviljoen is d'n 49e PoerkerPrins oëtgeroope. Louis Huys zal als Louis II d'n Hout-Bliërickse vastelaovend veurgaon. Net wie zien vader Wim en Opa Louis. Daorbeej wuuërt hae gesteund door zien adjudante Peter (Huys) en Barry (Hovens). Later mier!
  • Aanstaonde vriedig, 3 november, vingk de jaorlikse Aoliebölverkaup van de Poerker weer plaats. Dit jaor kint geej vanaaf 08.30 oor terech beej kefee de Mammes! De verkaup zal tot uuterlik 15.30 oor op dees locatie plaatsvinge. Kaup heerlike aolieböl en steun daormei auk nog ens de Hout-Bliërickse Vastelaovend! Bedrieve kinne aolieböl veuraaf bestellen en GRATIS laote bezörge. Mail naor: oliebollen@poerker.nl ‘t aantal gewoene en/of krinte böl en ‘t bezörgteam bringk ze vriedig aan hoés.
  • Stumme! Netuurlik op "ozze" Bart Janssen. Hae steit op dit moment op Jocus buun, um precies te zien in de finale van Opus Jocus, de leedjes aovend. Hae zingk same met Kristel 't nummer "Vastelaovesbuuje" (geschreeve door Quin "W-Dreej" Warmerdam) Sms: JOCUS 03 naor 3669 Dank veur og meiwerking!
  • Zaoterdig 9 jannewari zien ze truuk op ós Poerkerbuun: Aparty! De Roop Oët 2016 wuurt waanzinnig!
  • Evaluatie Poerker Ald-Prinse comité. Vastelaovesseizoen waas ein groët sukses!
  • Zien we d'r weer....is 't nog ein bietje gezellig?
  • Vors sprik.....
  • Bomvol
  • Same zinge
  • Leeg/geluud en de raod.....
  • #held
  • En klaor! 18.30 start priësoétreiking, aansloëtend van Gelder! Zalzershaof is aope!
  • We zien los! Laot gaon dae waage!
  • Nog 1 minuut....
  • Proos op de Wortelepin! #welteruste
  • Vanmorge in daagblaad de Limburger!
  • Hae ligk weer beej (bijna) idderein in Hout-Bliërick in de bös! De Poerkerkrant 2015. Oh ja.... Datum Poerkerzaoterdig is 14 finberwari en de Kreuzelkestoedem/jeugoptoch is op dinsdig 17 fibberwari!
  • Weej winse os zustervereiniging "De Wortelepin" vanaovend 'nne Joeksig en baovenal sniejvreej Swaree! Met dank aan ald Poerker Prins Fred van Wijlick!
  • Ós diamantsponsors veur seizoen 2015! -Autobedrijf Smedts -ASLB automatiseringsdiensten -Schade Service Blerick -Louis Huys Venlo
  • De Poerker jeugzitting, kom kieke en preuf de magie van 't thema 10001 nachte.....!
  • Nog eine nach slaope.... Wae wuurt de Prins van de Poerkerplak? De Roop Oët 2015, zaoterdig 17 jannewari 19.49 oor in AC Zalzershaof. Dr zien nog 'n beperk aantal kaarte te kaup...
  • Ózze nieje Vors in waekblaad 't E3 journaal:
  • Daor isse den! Ozze nieje Vors Poerkwazel IV. D'n hiër Robert Stoelinga. Morge mier foto's heej en op ós website!
  • Dinsdig 11 november geit 't Vastelaoves seizoen van de Poerker van start met de traditionele Aolieböl verkaup. Dit jaor in samewerking met bekkerie Fleuren!
  • Kien!
  • Leon Giesen aafgelaupe "PoerkerZaoterdig" in Hout-Bliërick. Leuk desse d'r waas! Wies 't volgende jaor!?!

  • Poerkerzaoterdaag! Um 1400 klink ut startschot veur de Groete Optoch! Aansloetend is de priesoetreiking in de tent, met optraejes van Linke Mik en Kwante Hippe! Ut weer liek os gezint dus trek de plú heuf allein gebroek te waere um snoep te vange. D’n optoch Start op de kriitsing Groetwaeg/Luuschwaeg en lup via de Moutzhofwaeg de Hoverhofwaeg op richting de Hollewaeg wao hae ontsprink beej ut Poerkerpaviljoen! Weej zeen os vanmiddig. Alaaf!
  • Joeksmobiel te heur! Op zeuk nao unne leuke joeksmobiel veur d’n optoch? Hae is nog beschikbaar op zondig 11 fibberwari! Interesse? Reageer dan snel heej onder of via ein privé berich!
  • Kiek dao, eine Poerker(vlag)! Heb geej um nog neet hange? Beej Jan Bouten zien ze nog volop te verkriege!
  • De Buute aovend is gans oetverkoch! Der waere gen kaarte mier verkoch aan de deur. Tot venaovend in ein volgepak Poerkerpaviljoen!
  • Woensig 24 jannuari is de jaorlikse buutte aovend. Gezelligheid, joeks, plezeer en hiel vuul lache! Venaovend van 20.00 tot 21.00 is de kaartverkaup beej ‘t Getske!
  • Daor isse dan! De Poerker frame effect. Voeg um toe aan dien profielfoto um te laote zeen detse de Hout-Blierickse vastelaovend 'n werm hert toedruuegs!
  • Euver un waek weite we wae de Poerkerprins 2018 is! Wilt geej der beej zien? Kaup dan snel och kaarte beej bekkerie Fleuren of Slechter Rutten!
  • Zaoterdaag 13 Januari is de Roop Oet! Vanaaf noow kint geej kaarte bemachtige beej ein van de verkaup punte! Geej herkent ut verkaup punt aan de poster. Kaarte zien te kaup via: Bakkerij Fleuren Slagerij Rutten Poerker.nl
  • Vriedig aovend, as auk de kaartverkaup van start geit, bringk de Poerker PR kemmissie de formuliere ronk beej de Hout-Blierickse kroege. Geej kint daor veur € 1,- raoje wae 't Poerkertrio 2018 wuuert. De persoen dae 't juuste trio (volledig good, dus prins en adjudante) raojt wint de GANSE POET!
  • Neet idderein zit noow aanut kerstontbijt... 13 januari zulle we ut weite. In de tussetied kinne we allein maar raoije. Det kin weer vanaaf kommende vriedig, alderwets in de kroege van Hout-Blierick!
  • Horeca Personiel gezoch! Weej zien op zeuk nao vreejwilligers um ôs horeca team te versterke veur twië activiteite: Jeugreceptie vriedaag 2 februari Vastelaoves dinsdaag 13 februari Wilt geej De Poerker steune en deil oetmaake van os gezellige horeca team? Laot dan ein reactie achter!
  • De aolieböl zien ALLEMAOL verkóch. Ein speciaal woord van dank aan de vreejwilligers die auk dit jaor weer hebbe gezörg veur 'n suksesvol verlaup van dees joeksige actie! De volgende activiteit van CV de Poerker is op vriedig 29 december. 20.00 oor in kefee 't Getske: Kaartverkaup Roop Oet 2018. De kaarte veur dae bezóngere aovend in 't PoerkerPaviljoen koste slechs € 15,-
  • Woensdig 13 september geit de Poerker hoes-aan-hoes naeve de deure met prachtige roëze van Linssen Roëze. Door 't kaupe van dees roëze steunt geej de Hout-Bliërickse Vasteloavesvereiniging. Um alle huús in 't dörp te bereiken zien weej nog op zeuk naor inkele vreejwilligers. Dus as geej op woensdigaovend 13 september nog 'n eurke tiëd euver heb, of tiëd wilt make: HIEL GAER! Geej kint óg heejveur aanmelde middels 'n bericht heejónger of via Annet Rutten of Ria Rutten.
  • Bloomeverkaup! Venaovend belle os vreejwilligers weer beej och aan met un moei buuske roeze. Hald och veurdeur vanaaf 18.00 aor in de gaate. Geej kaup toch ouk?
  • Prins René en zien adjudante Richard en René in de Bliërickse krant:
  • Joechei! Wat 'nne optoch!!
  • Kiek ens wat de waerberichte doon....!. Zaoterdig beej de start van d'n optoch um 14.00 oor kump 't zunke achter de wólke oét en is 't DRUUËG! Kom kiek, kom kieke, d'n optóch euver de Poerkerplak! D'n bónte stoet start um 14.00 oor op de kruutsing Groetwaeg/Luuschwaeg. Óntbinge is netuurlik veur 't PoerkerPaviljoen. De optochroute nog ens bekieke? Klik heej: http://poerker.nl/wp-content/uploads/2017/01/optochtroute-2017.pdf
  • 3Kes Vastelaoveskefee, ouk De Poerker is der beej!
  • Vastelaovesmaondig beej Hein van 't Getske!
  • Hoëg bezeuk oet Baolder!
  • Vandaag reikt 't trio dees schoën medalies oet!
  • Weej winse Prins John II met zien adjudante Peter en Jeroen van herte proficiat! 't Trio van D'n Duikelaer!
  • Ein veurproefje oët de Poerkerkrant dae vanaovend hoes-aan-hoes wuurt verspreid. 't Jeuggezelschap 2017: Sirremoniemeister: Sanne Engels Prins: Jordy Lemmen Adjudant 1: Siem Giesen Adjudant 2: Giep Titulaer Dansmarietje 1: Mila Huijs Dansmarietje 2: Evie Hutjens Raod van 11 1. Juup Coolegem 2. Lara Cromheecke 3. Niels Huijs 4. Janine Francken 5. Jolie van Hagen 6. Tom van Zon 7. Jeano Keunen 8. Milou Kursten 9. Alice Nijs 10. Tim van der Voort 11. Collin Titulaer
  • Dit waasse den, de alleriërste Poerker Buuteaovend! Tot volgend jaor! 😉
  • Conny Bruynaers in d'n buut!
  • De Poerker Buute-aovend deil 1. Wat ein opkoms!!
  • De Poerker PR kemmissie haet zoejuus de digitale Poerkerkrant 2017 aangeleverd beej d'n drökker. Donderdig wuurt dit full-color Vastelaoves magazine hoes-aan-hoes GRATIS verspreid in gans Hout-Blierick. 't Groet- en Jeuggezelschap zörg veur de vakkundige verspreiding. Mei meugelik gemak door alle Poerker sponsors, in 't bezonger os diamant sponsors:
  • Kiek dao! Ut gezelschap veur eur residentie!
  • Prins Jordy dn ierste met zien adjudanten Siem en Giep!
  • Vanaovend allemaol kieke naor Umroop Venlo. De oëtzending Vastelaovend in Venlo zal auk 't oëtroope van 't Poerkertrio laote zeen!
  • Weej hebbe oëtgeroope.... Prins Rene I met zien adjudante Richard en Rene. Morge mier informasie euver dit fantastische Poerkertrio... Weej zien efkes fiës viere!!!! Prins Rene I (van Wijlick) Adjudant Richard Janssen Adjudant Rene Keunen
  • Wat un trio!! Wat un sfeer!! Ongeluufelik!! Ut Poerkerpaviljoen geit loos!!
  • De prins kin neet mier wiét weg zien.....
  • Wow minse!
  • Weej zien de Poerker!
  • Wetse van die tent? Die kump d'r aan! Vanmorge zien de manne van Neptunus structures begós op 't terrein van Aetkefee de Elze met de opbouw van 't Poerkerpaviljoen... Weej hebbe d'r zin in! Kaartverkaup: D'r is nog ein beperk aantal kaertjes veur de Roop Oet beschikbaar. Bestel ze via info@poerker.nl BUUTE AOVEND (wo 8 fib) Kaarte veur deeze bezóngere aovend speciaal veur idderein! (senioren, iets minder seniore en jóngeluuj) kint geej kaupe beej Bekker Fleuren, Slegter Rutten en AC Zalzershaof.
  • Neet mier te misse.... Wis geej trouwens al det dr vanaovend um 20.00 oor kaartverkaup in 't Getske is...🙈
  • Download alle benuuedigde formuliere veur og opgave aan d'n Groeeten Optocht en/of de Jeugoptoch van de Poerker 2017. Opgaeve is op zondig 12 fibberwari 2017 van 11.00 wies 13.00 oor in Cafe 't Getske De Formuliere: http://poerker.nl/?page_id=5182
  • Bekiek os pagina groëte advertentie in de Bliërickse Krant! http://blericksekrant.com/Editie-2017/Nr-01-13-januari/
  • Kommende daag beej og in de Hout-Bliërickse breevebös. Eine hendige folder met info euver alle Vastelaovesactiviteite van de Poerker!
  • Welkom op de Poerkerplak!
  • Hallo hallo en 't is weer -has- Vastelaovend!
  • De juuste minse op de juuste plek! Os poerker vlaggen met extra zörg en aandacht geweven van ierste klas garen, geverf met de zuuverste pigmenten, en dan aafgewerkt met de hand.......Det haet allein De Poerker! Geert, dankzij dich laupe, fietsen en rieje we waren UT moeijste dörp van de waereld in met de moeijste vlaggen. Ein geweldig entree. Super!!
  • De Poerker is ozze naam! VASTELAOVEND in Hout-Blierick!
  • Vanaaf now kint geej in de kroege raoje wae 't Poerkertrio 2017 wuurt.. Per 'RAOJE BREEFKE' wuurd d'r €1,- ingelag. De winnaer wint de ganse POET!
  • Vanaovend, vriedig 9 december, geit de Poerker PR kemmissie op kroegetoch door Hout-Blierick. In dae gank neeme zeej veur 't iers sinds jaore weer 'RAOJE BREEFKES' mei. Geej kint in de kroeg raoje wae 't Poerkertrio 2017 wuurt. Per ingevuld breefke wuurt d'r € 1,- ingelag. De winnaer wint de ganse POET!
  • De Poerker beej 't BCL treffe. Vastelaovend same!
  • Op d'n 11e van de 11e hebbe weej ózze traditionele aolieböl verkaup gehad. En met groët sukses: hertstikke oëtverkóch! Dit kós allein met de hölp van 'n groët aantal vreejwilligers, waorveur ózzen groëte dank! Iërs volgende Poerker evenemint: Roop Oët 2017, zaoterdig 28 jannewari in 't Poerker Paviljoen.
  • Hallo hallo en 't is weer Vastelaovend! D'n 11e van de 11e. Zeen weej og dalik aan d'n aolieböl kraom? 09.00 tot 15.00 oor Loods Fred van Wijlick Tuinen Tangwaeg 5 11.00 tot 13.30 oor Verkauppunt Basisschoel 13.00 tot 15.00 oor Hoés aan hoés verkaup
  • 't Is weer has zoëwiét. De Poerker's jaorlikse Aolieböl verkaup. Bekiek de poster veur alle nuuëdige informasie! Bedriéve en instellinge kinne eur bestelling noow auk per mail doorgaeve. Steur daorveur 'n mailtje naor: oliebollen@poerker.nl
  • Vanaovend kromme ós vreejwilligers weer hoés aan hoés in Hout-Bliërick met prachtige bös roëze (van Linssen Roëze). Met dit prachtige naozómer waer steit zo'n fleurig böske bloome natuurlijk good. Dus zwingel die deur aope en spek de verenigingskas!
  • Ut is gedaon................... Poerkers Bedank!!! Namens Merieke Emmy Sjuul Mark Jimmy en John.
  • Nog eine......en dan op nao de jongste inwoener van de poerkerplak....... Vastelaovesdinsdaag is begos... ....
  • Wae de jeug haet, haet de toekoms! Smakelik aete! Jeug Vastelaovend Baolder.
  • Receptie van de Prins in Baolder. Traditioneel met werm buffet veur 't gezelschap!
  • Nao aafloup nog ffkes unne serenade van fanfare de Echo!
  • Goojemorge....... Ut is POERKERZAOTERDAAG!!!!!!!!
  • Net op tiëd binne, de originele Poerkersjaal. Werm og in en aan die traditionele greun/oranje kleure met 't Poerkerlogo d'r in gebreid. Tiedes alle Poerker evenementen te kaup veur maar €11,- Wae wilt d'r 'nne hebbe?
  • Optocht BS springbeek geit haos beginne.....
  • “Dit jaor ein alternatieve ruumte en speciaal programma veur de jeug op Poerkerzaoterdig” Op zaoterdig 6 fibberwari 2016, zal geliék nao aaflaup van d’n Poerkeroptoch de kelder van Zalzershaof waere geäöpend. De bekinde fiësdeejays vanoët de tent zulle heej met eur leech en geluud zörge veur de juuste Vastelaovessfeer. De oppervlakte van de kelder wuurt vergroët met ein tent (incl. leech en geluud) die de ingang van de kelder en de groëte zaal zulle verbinge. De jeug is dus net as alle veurgaonde jaore, miër den welkom op de Poerkerplak. In de groëte zaal van AC Zalzershaof, dees daag “Poerkerhaof” geneump, haet C.V. de Poerker ein bizónger oétgebreid Vastelaovesfiës geprogrammeerd. Neet minder den DREEJ (3) optraejes zulle de altiëd gezellige priésoétreiking muzikaal umliéste. Beginnend met ‘Joeksbend Wortelestamp’ waornao ‘Fiësbend PATS!’ ’t stökske euvernimp. Aafsloétend zal de bekinde Venlose Vastelaoves deejay ‘Bart Houtermans’ met inkele van zien vrinde zörge veur ein spetterend slotakkoord. Zoë-as geej kint zeen haet C.V. de Poerker dit jaor, óndanks de wijziginge, gezörg veur ein prachtig Vastelaovesfiës met veur zoëwal jónk als ald genóg um van te geniete. Baove-al is dit alles gehiel GRATIS te bezeuke! Deile dus!
  • De schaalmodelle veur d'n poerkeroptoch zien ouk klaor! (Y)
  • Ongertusse... Gezelligheid van Jonk tot ald!
  • Niej Jeugtrio van de Poerker! Prinses Merieke Grubben met eur adjudante Sjuul en Emmy!
  • Ein klein bietje Hout-Blierick in de LVK finale! Ozze Bart Janssen met ziene zangcompagnon Kristel en eur leedje Vastelaovesbuuje! Proficiat, vuuel sukses in Venray!
  • De Poerker Seniorezitting 2016, zaoterdig 23 jannewari um 17.00 oor in AC Zalzershaof. Veur maar 8,50 ein leuk vastelaovesprogramma met o.a. ein optraeje van Thei en Marij! Kaarte zien te kaup beej: AC. Zalzershaof Slegterie Rutten Bekkier Fleuren
  • Wat schoën versierd beej d'n hoëgheid thoes!
  • Zondig 17 jannewari - De Poerker Jeugzitting 2016 Thema: PLEZEER! Aanvang: 13.00 oor AC Zalzershaof Optraejes van: Bart Janssen Didymos De Poerketjes Danny Dwaas en Luie Luuk Veur de jongste Poerkers is d'r 'nne schminkkraom> Vors Poerkwazel IV zal op deeze middig 'n compleet nieje jeugraod, dansmerietjes, trio en sirremoniemeister prissenteren. Zurg det geej d'r beej ziet!
  • Ós kersverse Trio veur 2016!
  • En we zien los, ein bomvol Zalzershaof!
  • Der Otto!
  • Bekiek in de niejste editie van de Blierickse krant os pagina groete advertentie. Knip 'm oet en gebroek um as ogge Vastelaovesagenda!
  • Aafgelaupe zaoterdig vóng de kaartverkaup veur de Roop Oët 2016 plaats in Aetkefee de Elze. Eine euverweldigende opkoms aldaor zörg veur 'nne good gevulde zaal in AC Zalzershaof op zaoterdig 9 jannewari. Maar.... CV de Poerker haet gemeind extra kaarte beschikbaar te stelle um aan de belangstelling van minse tegemoet te komme. Optraejes van ApartY, Otto Wunderbar en Ronald Pijls wilt geej toch zeker neet misse? Daorum EXTRA KAARTE te kaup beej: Annet Rutten (Groetwaeg 5) Martijn Davids (In 't Veld 39)
  • Vastelaovend in Hout-Bliërick, ein decennia lange culturele traditie die in stand wuurt gehalde door de óngeluifelikke inzet van hóngerde vreejwilligers en vastelaovesfanaten. Dit wuurt mei óngersteund door ein groët aantal bedriéve die C.V. de Poerker jaorliks ein financiële donatie toekinne. Vanaaf dit jaor haet ein niej gevormd 'sponsorcomite' de oprichting van "Societeit Medusa" bewerkstelligd. Ein informele 'societeit' waorbeej de aangeslaote bedriéve neet allein de vereiniging en daorbeej de Hout-Bliërickse vastelaovend óngersteunen, maar auk bliek gaeve aan 't belang van dees volkscultuur in algemeine zin. Veuraafgaond aan de Roop Oët 2016 zulle weej de vertegenwoordigers van dees bedriéve op gepaste wiés óntvange en danke veur eur beejdrage. Wilt geej met óg bedrief auk lid waere van dees Societeit Medusa? Meld óg aan beej: Maurice Gerritsma of Roy Rutten via: sponsoring@poerker.nl. Zeej zulle contact met óg opneeme um de oéteinlaupende meugelikheden te bespraeke.
  • Nog maar 2 en 'nne halve daag, den is de Poerker Pronkzitting. Kaarte zien vanaaf noow nog te kaup beej Bekker, Slegter en Annet Rutten (Groetwaeg 5).
  • Toetie noch blaozie! Wat tof! 't Inscheete in groët (Hout)-Bliërick!
  • Vanaovend is 't inscheete oppe Horsterweag! Woar precies: Fiëszaal de Waeg op d'n Horsterweag. Wielaat? Um 19.11 begint ut. Idderein is welkom! Kortum ein groët fiës! Dr zien ouk nog steeds kaarte te kaup veur de Pronkzitting (zoaterdig 21 november) Kaarte zien nog te koup beej Annet Rutten bel effe van te veure met: 077-3875562
  • Weej gaon los! De Poerker Pronkzitting 2015 ZAOTERDIG 21 NOVEMBER 2015 In de prachtige zaal van Zalzershaof zal ein keur van Vastelaovesartieste de traditioneel letste regeer aovend van 't Poerkertrio 2015, Prins Twan I met zien adjudante Jos en Twan begeleiden naor eur aaftraeje. MEZIEK, KWATS EN BUUTS 'n Bonte verzameling van muzikale toppers met unieke carbaretiers (braobantse buuteredners) zulle og vermake. KAARTE ZIEN NOG TE KAUP te kaup beej os sikkertariaat: Mevr. Annet Rutten, Groetwaeg 5 (bel efkes van te veure: 077-3875562)
  • Kint geej det verhaol van die Poerker aolieböl...? Die zien hertstikke OETVERKOCH! Allemaol hertelik dank veur óg inzet en meiwerking!
  • 't Geit weer has beginne! Noteer in ógge agenda 30 oktober 2015 - Kaartverkaup Poerker Pronkzitting 6 november 2015 - De jaorlikse Aolieböl actie 11 november 2015 - Inscheete Vastelaovend (Horsterwaeg) 21 november 2015 - De Poerker Pronkzitting
  • Bliërickse krant 12 maart 2015:
  • Dinsdig 17 fibberwari gaon weej as CV de Poerker de Vastelaovend aafsloéte met ‘nne bonte JeugOptoch gevolg door ‘nne gezellige Kreuzelkestoedem met op ’t ind van d’n middig/aovend ’t PoerkwazelsVastelaovesfinale. Weej zien heej veur op zeuk naor meziekleefhebbers met instrument die spontaan ’n beejdrage wille leevere. Hebs dich ’n instrument en vingks dich ’t gezellig um deil te neeme aan ‘nne óngedwónge muzikale ratatouille? Kom um 14.15 oor naor ’t Kerkplein, daor zal ronk 14.30 oor de JeugOptoch van start gaon. Weej zörge veur ‘nne JoeksWaage waor alle muzikante op kinne um d’n optoch van de nuudige Vastelaovesklanke te veurzeen. Beej aankóms in Zalzershaof vinge weej ’t leuk as geej aansloétend met de ganse bubs nog ’n half eurke óngedwónge Vastelaovesmeziek wilt bringe. Weej zörge veur ’n drenkske tiedes ’t speule en later op d’n middig veur ’n hepke! Weej zulle enorm veriërt zien um Kreuzelkesdinsdig te beginne met ’n echte live Vastelaovesbend door ein spontaan bont gezelschap. Alves dank, Names CV de Poerker Erik Titulaer
  • De optochroute is gaodgekeurt!
  • Laot de Dreejkes Vastelaoveskwis maar beginne. De Poerker is der klaor veur! Aafgevaardig door de Vors, de jeugsirremoniemeister en de wieze raod van 11!
  • Neet vergaete, zondig um 11.00 oor inschrieve veur d'n optoch en de jeugoptoch in kefee 't Getske!
  • Kom zaoterdig 31 jannewari naor de Poerker Seniorezitting! Kaarte koste slechs € 8,50 incl 'n tas koffie en ein lekker stuk vlaai! Optraejes van neemus minder den Ben Verdellen, De Poerketjes, Pim van Wijlick en aafsloetend danse op klanke van de Vinylboys!
  • Bekiek os sponsors! http://poerker.nl/?page_id=4681
  • Kom zondig 25 jannewari naor os TOFFE Poerker Jeugzitting!
  • Doot mei! De Groët Venlose Vastelaoveskwis! Ein initiatief van de 3Kes. CV de Poerker wilt auk gaer (ein) team(s) inschriéve. Daorum 't voglende: Wils dich zelf of met 'n gans team (3 man...;-) meidoon aan deeze gezellige kwis op dónderdig 5 fibberwarie (20.00 oor) in 't laeskefee van de Bieb in Venlo? Opgaeve kin via: sander@de3kes.nl Wae wint de iërste Vastelaoveskwis?
  • Bekiek de foto's van de prachtige Roop Oet 2015. Foto's door John Lenders: http://www.johnlendersfotografie.nl/gallery/2015/roopoet17-1-15/index.html
  • De sponsorbanner 2015.... d'r is nog plaats 😉