Jeugd trio 2020
Veurstelle
Prinses Sophie I
Beste Poerkers en Poerkerinne,
Ik bin Sophie Schreurs ik bin 13 jaor, gebaore in ut Vastenaovendkamp in Bliërick maar ik woën al bijna mien ganse laeve op ut Hagelkruis in Hout-Bliërick.
Ik bin de jóngste beej os thoës, mien pap en mam zien Tim en Shirley. Ik heb ein aldere broor Bram. Mien hobbies zien veural korfballe. Ik doot det beej Hbsv in de B1 same met adjudant Silke. Ik heb door altiëd kei vuuél plezeer in. Auk gaon weej idder jaor met de Kers in Oësteriék skieje met de ganse femilie, det is kei gezellig.
Ik zit op ut Blariacum College op 2 VWO, Floor zit beej mich in de klas. Ik kin Silke en Floor al vanaaf de basisschoël. Ik zit auk in de sportklas en det bevelt mich erg good. As ik boéte ut sporte en liere nog tiëd euver heb spraek ik gaer aaf met vriendinne. Veurig jaor heb ik al in de raod meuge zitte en dan nou Prinses det vind ik echt ein groëte ier. Hierse euver de jeug van de Poerkerplak liek mich eg fantasties. Same met mien adjudante gaon weej d’r unne geweldige vastelaovend van make. Ik heb dr kei vuuél zin in!
Vastelaovend same, alaaf!
Adjudant Silke
Hallo allemaol,
Ik bin Silke Bosch en ik bin 13 jaor geleeje gebaore in Baolder, maar inmiddels woën ik alweer 6 jaor op ut Laorbrook. Door woën ik same met mien pap en mam, Paul en MarieLouise en mien aldere zusse Frauke en Veerle. Als hobby korfbal ik beej Hbsv in de B1 samen met prinses Sophie.
Dit vind ik nog altiëd super leuk! Auk vind ik ut leuk um met vriendinne aaf te spraeke.
Iddere daag fiets ik naor ut Blariacum College, door zit ik op 2 Havo.
Ik kin Sophie en Floor al sinds de basisschoél.
Veurig jaor zoot ik al in de raod en ik vind ut auk geweldig um nów in ut trio te meuge zitte.
Ik weit auk zeker det weej d’r met z’n dreeje, de sirremoniemeister, de raod en de dansmarietjes unne fantastische vastelaovend van make. Ik heb der kei vuuél zin in!
Alaaf!
Adjudant Floor
Hallo allemaol,
Ik bin Floor Koninkxs en bin 13 jaor. Ik woën al mien ganse laeve op de Bouteshof in Hout-Bliërick same met mien pap en mam, mien zus Kelly, mien broor Luuk en mien twielingzuske Eefke. Weej zien ein echte vastelaovesfemilie. Zoë heb ik verschillende jaore met de Plekbókse meigelaupe in d’n optoch. Auk bin ik in 2018 dansmerieke gewaes beej de Poerker same met mien zuske. Verder zit ik in de twiëde sportklas VWO van ut Blariacumcollege. Veur de res kinse mich viëf kier in de waek vinde op ut handbalveld. Ik speul namelik beej de C1 van HandbalVenlo en ik zit beej Handbalschoél Noord-Midden Limburg. Sophie en Silke kin in al van de basisschoél, waor weej eine leuke tiëd hebbe gehad. Sophie en ik zitte nów nog steeds beej mekaar in de klas. Ein dingk weit ik zeker: Weej gaon d’r eine te gekke vastelaovend van make!
Alaaf!
