Trio2019persbericht

Kwartet van de Plekbôkse

Inderdaad, gin trio maar un kwartet beej De Poerker! Op unne zeer gezellige Roop oët, met optreejes van Bjorn en Mieke, Marleen Rutten en Khick, is Ed Gerritsma oëtgeroope as 50e Poerkerprins. Ed haet same met zien adjudante Dave en Jack auk de Sirremoniemeister meuge vraoge. De Poerker mak d´r un nieje tradisie van um jaorliks van Sirremoniemeister te wissele en deeze daor ut nieje trio te laote kieze. Naeve dit kwartet zien Joep Nix, Berry Rutten en Marlon Schouren as nieje raodsleeje oëtgekomme.

Prins Ed I
Ed Gerritsma is 46 jaor en al 22 jaor getrouwd met Monique. Same hebbe zeej 2 zeuns Mitchell en Randy en 2 leuke schoeëndochters. Zeej woëne inmiddels alwaer bijna 24 jaor op de Bouteshaof.

Ed runt al 19 jaor Vishandel Sijbers, euvergenaome van zien schoeënvader; Jan Sijbers van Speng.
Ondanks de hoeëge leeftièd helpt dae um nog dök un bietje mei oèt en staon zeej op zaoterdig nog altièd same op de mert.

Ed haet un aantal jaor geleeje auk al ens un paar kièr op de buun gestaon met Vastelaovesleedjes beej de Poerker. Iddere Vrièdigaovend is hae same met ziën schoeënbroor Dave in de Gats te vinge.

Op zondig steit hae regelmaotig langs de lien um ut 7e van HBSV aan te moedige.

Met zien vrinde Dave, Jack en John gaon zeej auk dök lekker naor de sauna oètruste en genete van un pilske en ein lekker hepke aete.

Verder zit hae same met zien adjudante en de sirremoniemeister netuurlik beej vrindegroep de Plekbôkse, die al hiel wat jaore meilaupe in de Poerkeroptocht. Auk halde zeej wal van ein fieësje op ziene tièd en zien zeej dök ein van de letste die naor hoes toe gaon, vandaor auk de naam; de Plekbôkse.

2019 is netuurlik erg speciaal veur heur, um dit as trio en nieje Sirremoniemeister, same te kinne viere met de Plekbôkse op de Poerkerplak.

Adjudant Dave

Dave Minten is 46 jaor jonk en al 23 jaor gelukkig getrouwd met Rian, dochter van Jan en Jacqueline Sijbers. Same hebbe zeej 2 prachtige zeuns Richard van 21 jaor en Kevin van 18 jaor.
Dave en zien gezin woëne al 24 jaor met vuul plezeer ´Op de Leues´ in dit moeëje dörp.

Hae werkt met vuul plezeer beej Tegelmegashop in remund als verkaupadviseur, verkaupe en gezellig met minse umgaon zit wal in zien blood. Dave steit auk altièd klaor veur zien klante en zal d’r veur zörge det zeej met ein good geveul en ein tegelvloer de deur oèt gaon.

Dave is auk iddere vrièdigaovend te vinge beej kefee de Gats veur un lekker pilske van Hein
en um daor de week lekker aaf te sloeëte.

Sporte det duit hae auk erg gaer, op zondigmorge renne en fitness.

Adjudant Jack

Jack Boots is 48 jaor en woënt al 11 jaor in Holt-Blierick met zien vrouw Dorothe en de 2 kinger Jackie van 22 jaor en Boy van 20 jaor.

Veur zien bótterham duit Jack gebroekte opleggers kaupe en verkaupe beej Schmitz Cargobull op de lokasie in Venlo.

Zien hobby’s zien aktief hardlaupe en auk op ut circuit in Venrooj is hae dök te vinge. De andere adjudant en de Sirremoniemeister woëne 2 deure van heur aaf, en zeej zien dan auk dökker same naor Venrooj gewaes en naor de TT in Assen.

Sirremoniemeister John

John de Smit is 58 jaor geleeje gebaore in s’ Hertogenbosch, Oeteldonk. En haet ziene waeg via ziene ald-buurman, R&D directeur beej Océ, naor Holt-Blierick gevonge. In ut jaor det hae beej Océ op de aafdeiling R&D begós, haet John zien laevespartner, Ljiljana lière kinne. Lili, zien vekansieleefde oèt Kroatië, haet hae kinne euvertuùge um naor Nederland te komme. Volgend jaor zien zeej 30 jaor getrouwd! Zeej hebbe eine zoon, Dominik van 26 jaor, waor zeej gruuëts op zien.

De passie van ut hardlaupe deilt John met adjudant Jack. Jack wat mièr “professioneel”, John wat mièr recreatief, maar aevel net zoë gedreeve.

John is, mede-eigenaer/algemein directeur, van ein bedrief in Nuenen, beej Eindhoven, BKL B.V. . Zeej bedinke en make speciale hijs- en hefgereidschappe um machines te kinne (ver)plaatse en te kinne onderhalde.

As ald-Oeteldonker, zit de vastelaovend John in zien blood. Hae vingk ut un ièr um as sirremoniemeister gevraog te zien en um op te treeje as vertaegenwaordiger van de Plekbôkse en van de Poerker.

Kwartet van de Plekbôkse

Inderdaad, gin trio maar un kwartet beej De Poerker! Op unne zeer gezellige Roop oët, met optreejes van Bjorn en Mieke, Marleen Rutten en Khick, is Ed Gerritsma oëtgeroope as 50e Poerkerprins. Ed haet same met zien adjudante Dave en Jack auk de Sirremoniemeister meuge vraoge. De Poerker mak d´r un nieje tradisie van um jaorliks van Sirremoniemeister te wissele en deeze daor ut nieje trio te laote kieze. Naeve dit kwartet zien Joep Nix, Berry Rutten en Marlon Schouren as nieje raodsleeje oëtgekomme.

Prins Ed I
Ed Gerritsma is 46 jaor en al 22 jaor getrouwd met Monique. Same hebbe zeej 2 zeuns Mitchell en Randy en 2 leuke schoeëndochters. Zeej woëne inmiddels alwaer bijna 24 jaor op de Bouteshaof.

Ed runt al 19 jaor Vishandel Sijbers, euvergenaome van zien schoeënvader; Jan Sijbers van Speng.
Ondanks de hoeëge leeftièd helpt dae um nog dök un bietje mei oèt en staon zeej op zaoterdig nog altièd same op de mert.

Ed haet un aantal jaor geleeje auk al ens un paar kièr op de buun gestaon met Vastelaovesleedjes beej de Poerker. Iddere Vrièdigaovend is hae same met ziën schoeënbroor Dave in de Gats te vinge.

Op zondig steit hae regelmaotig langs de lien um ut 7e van HBSV aan te moedige.

Met zien vrinde Dave, Jack en John gaon zeej auk dök lekker naor de sauna oètruste en genete van un pilske en ein lekker hepke aete.

Verder zit hae same met zien adjudante en de sirremoniemeister netuurlik beej vrindegroep de Plekbôkse, die al hiel wat jaore meilaupe in de Poerkeroptocht. Auk halde zeej wal van ein fieësje op ziene tièd en zien zeej dök ein van de letste die naor hoes toe gaon, vandaor auk de naam; de Plekbôkse.

2019 is netuurlik erg speciaal veur heur, um dit as trio en nieje Sirremoniemeister, same te kinne viere met de Plekbôkse op de Poerkerplak.

Adjudant Dave

Dave Minten is 46 jaor jonk en al 23 jaor gelukkig getrouwd met Rian, dochter van Jan en Jacqueline Sijbers. Same hebbe zeej 2 prachtige zeuns Richard van 21 jaor en Kevin van 18 jaor.
Dave en zien gezin woëne al 24 jaor met vuul plezeer ´Op de Leues´ in dit moeëje dörp.

Hae werkt met vuul plezeer beej Tegelmegashop in remund als verkaupadviseur, verkaupe en gezellig met minse umgaon zit wal in zien blood. Dave steit auk altièd klaor veur zien klante en zal d’r veur zörge det zeej met ein good geveul en ein tegelvloer de deur oèt gaon.

Dave is auk iddere vrièdigaovend te vinge beej kefee de Gats veur un lekker pilske van Hein
en um daor de week lekker aaf te sloeëte.

Sporte det duit hae auk erg gaer, op zondigmorge renne en fitness.

Adjudant Jack

Jack Boots is 48 jaor en woënt al 11 jaor in Holt-Blierick met zien vrouw Dorothe en de 2 kinger Jackie van 22 jaor en Boy van 20 jaor.

Veur zien bótterham duit Jack gebroekte opleggers kaupe en verkaupe beej Schmitz Cargobull op de lokasie in Venlo.

Zien hobby’s zien aktief hardlaupe en auk op ut circuit in Venrooj is hae dök te vinge. De andere adjudant en de Sirremoniemeister woëne 2 deure van heur aaf, en zeej zien dan auk dökker same naor Venrooj gewaes en naor de TT in Assen.

Sirremoniemeister John

John de Smit is 58 jaor geleeje gebaore in s’ Hertogenbosch, Oeteldonk. En haet ziene waeg via ziene ald-buurman, R&D directeur beej Océ, naor Holt-Blierick gevonge. In ut jaor det hae beej Océ op de aafdeiling R&D begós, haet John zien laevespartner, Ljiljana lière kinne. Lili, zien vekansieleefde oèt Kroatië, haet hae kinne euvertuùge um naor Nederland te komme. Volgend jaor zien zeej 30 jaor getrouwd! Zeej hebbe eine zoon, Dominik van 26 jaor, waor zeej gruuëts op zien.

De passie van ut hardlaupe deilt John met adjudant Jack. Jack wat mièr “professioneel”, John wat mièr recreatief, maar aevel net zoë gedreeve.

John is, mede-eigenaer/algemein directeur, van ein bedrief in Nuenen, beej Eindhoven, BKL B.V. . Zeej bedinke en make speciale hijs- en hefgereidschappe um machines te kinne (ver)plaatse en te kinne onderhalde.

As ald-Oeteldonker, zit de vastelaovend John in zien blood. Hae vingk ut un ièr um as sirremoniemeister gevraog te zien en um op te treeje as vertaegenwaordiger van de Plekbôkse en van de Poerker.