Met vuul ongeluif hebbe weej gister aafschiëd motte neeme van ôs Maril.

Ut niejs det zeej krank waas sloog in as ein bom. Nao maonde keihard vechte en altiëd positief in ut laeve blieve staon, haet zeej de strijd neet meuge winne.

As bestuurslid en veurzitter van de Zittingskemmissie waas Maril altiëd de drievende krach achter de Poerkeractiviteite.

Maril, de waas d’r altiëd, met diene ieuwige lach. Vol enthousiasme um weer ein topprogramma neer te zette. Wat hebbe weej meuge geneete van dien gezelligheid en diene humor! Weej gaon dich misse. Ut geit dich good dao baove.

Weej winse Jimmy, Dean en Zoë enorm vuul sterkte met ut gemis van Maril.

Names alle Poerkers en Poerkerinne

Bestuur CV De Poerker