Poerker Trio 2025

Prins Tom I Prins Tom I Custers, aukwal, Tom van Jan van Jo van Netje van de coöperatie en van Ank van Tagage en aukwal Petat geneumd. Geboore en getaoge in d’n dreejhook als enigste breurke van Willemijn, iërste jeugprinses Karlijn en Marjolijn. Al afgerond 11 jaor same met Carolien en super trotse pap van Luca en Jip. Momenteel woënt hae op de PC Hoofdstraot van de Poerkerplak, vlak langs de Kopere en de Gats. Opgegruujd op de Luuschwaeg, makte det hae al vanaaf kleins aaf aan mei leep in de optoch. Later waas dit beej de Fanfare en met vrindegroep Beater Genne Puin auk un aantal jaore beej de groëte waages. De letste jaore haet Tom met un kleine aaftakking as Net Neet, of beej Leevergekker of Straotendrek meigedaon. Hae haet d’n optoch nog noeits vanaaf de kant gezeen, zonder zelluf mei gedaon te hebbe. Hae is dan auk erg beniejd wie ut zal zien um dit vanaaf ut hoëgste punt en as aafsloëter mei te meuge make. Zien werk beej GTE besteit oët ut in elkaar zette, in bedriëf stelle en onderhalde van verpakkingsmachines, veural veur de medische industrie. Heej meug Tom dan auk aaf en toe veur ut vleegtuug in en is hae efkes weg van hoës. Zien hobby’s zien meziek make, momenteel vuul te weinig voetballe, aaf en toe biljarte en klusse. Meziek mak Tom beej Straotendrek en bigband Overload in Neer. Voetballe beej HBSV haet ozze Prins meuge ervaare van selectie tot de kelderklasse. Momenteel is hae steunend en kreunend lid van HBSV 5, ofwel ut zevende, veurnamelik veur de gezelligheid en de aafsloëtende quiz. Auk ut biljarte duit hae met dezelfde instaek, onder ut motto: wie vaker de bal rond geit, wie mier kans op punte. Soms tot ergernis van de op laeftiëd ziende taegestanders, as um dit auk nog lukt. Ut klusse is de letste jaore geëscaleerd tot un groëter project. Same met huul vuul hullup van vrinde en femilie hebbe Carolien en Tom de nostalgische scheur van Biemans en Kranebroek umgetoverd tot heur eige thoës. Sjiek um ut fiës nao de Roop Oët daor te meuge viere! Binne de Poerker is Tom auk al ongeviër 11 jaor verantwoordelik veur, veural de praktische zake van de pr-commissie, zoas de vlagge en banners plaatse. Auk is hae de maker van de rebus en de kruutswoordpuzzel in de Poerkerkrant. Adjudant Tom Adjudant Tom Peeters (de meiste kinne um als Schier) is 32 jaor en geboore en getaoge in Hout-Blierick. As zoon van Sraar van Nel van Vercoulen en Diny van Wim en Stiena Groetelaers heat hae huul wat jeurkes op de Voortwaeg beej de [...]

Poerker Trio 2024

Jubileumtrio 2024 As Prinsekemmissie kwame weej rond de zomer beejein um d’n aaftrap veur os jubileumjaor te make. Un jubileumjaor is netuurlik extra speciaal en vruug van os as kemmissie un trio det duudelik sterk verbonde is met de Poerker. Snel hadde weej de naam van ozze nieje hoëgheid op de taofel ligge. Veur os en de huule Poerkerplak DE perfecte jubileumprins. Unne Prins dae al 11 jaor beej de raod van 11 zit, en daorbeej auk al 11 jaor actief is in de PR kemmissie en sinds 2018 zitting haet  in ut bestuur. Maar naeve de Poerker auk beej vuul angere zaake in ut dörp verbonde is. En zeker same met zien Adjudante vanoët Racing team Puin un actieve rol in os samelaeving duit vervulle. Maar dees keus brach wal wat praktische oëtdaginge met zich mei. Net un paar maond vader en woënachtig in Spaubaek. Maar weej waare ut ins, weej gaon d’r veur! Zoë ginne weej op unne zondigmorge oppe tiëd richting Spaubaek. Met unne kleine van un maond of dreej zulle zeej wal oppe tiëd wakker zien en haopelik nog gin kraombezeuk. Met det excuus kwaame weej auk aan de deur, weej komme as Prinsekemmissie beej dich as raodslid op kraomvisite. Netuurlik wal wat verdach maar ja, wat mosse gluive? Theo bewonderd, bekske koffie, wat slap gewazel en toen ut kedootje oëtpakke. Unne slabber van de Poerker, met de tekst Miene pap wuurt Poerkerprins 2024. Perplex waas ozze nieje Prins, gin weurt had hae d’r veur. Jao, det wil ik zeker waas wat d’r ut iërs oët kwaam. Hae keek Mae aan en d’r volligde unne goodkeurende blik, det is diene druim, doon dus! De name van de adjudante kwaame auk snel op taofel. Onger ut genot van un fles beer hebbe we d’r dae zondigmorge op geproos. Op de terukwaeg hadde weej as kemmissie de tiëd um te bedinke wie weej de adjudante ginne vraoge. Allerlei scenario’s bedoch, maar oëteindelik de mekkelikste, gewoën achterum laupe, ut waas 30 graade, de ganse buurt had de rolloëke umliëg. Zoë woort Haike de vraog gesteld um Adjudant te waere, auk heej direct unne jao en auk Simone had d’r geliëk zin in. Maondigmorge un aafspraok beej Tebben gemak, auk un bietje verdach misschien, maar Sjaak had maar un uurke um d’r zich de kop euver te breeke. In un spraekkamer op kantoër had hae wal door ut plafond wille springe van enthousiasme, maar det zoej de collega’s wellich opvalle. Dus met ingehalde bliejschap hebbe weej met un bekske koffie d’r op geproost. Monique zoej hae ut nao ut werk vertelle, maar det zoot wal [...]

Jeuggezelschap C.V. de Poerker 2019

Prinses: Mijs Theeuwen Adjudant 1: Mila Huijs Adjudant 2: Maud Huijs Sirremoniemeister: Joost Jansen Dansmarietje: Sanne Janssen Dansmarietje: Renske Keunen Raod van 11 1. Silke Bosch 2. Sem van der Randen 3. Siem Dings 4. Nick Linssen 5. Jessy Nijs 6. Finn Tönnessen 7. Jody Janssen 8. Sophie Schreurs 9. Bas van de Voort 10. Frenk Xhofleer 11. Gwen van Zon As lid van ‘De Vijf’, op de Groetwaeg mien thoes gegaeve gaon ik now as Jeugdprinses Mijs 1e door ’t laeve Same met mien adjudante Mila en Maud aan miene kant neme weej alle Poerkers en Poerkerinne beej de hand Auk de Raod, Sirremoniemeister en dansmarietjes wille zich hiëlemaol gaeve, en geej kint dit same met ós belaeve In de Poerkertent staon weej veur óg klaor op 22 fibberwarie, um 19.00 oor Want ut allerschoënste wat weej ós kinne winse is ein tent vol joeksige minse! Prinses Mijs I met eur adjudante: Mila en Maud

PROKLAMASIE

Weej Prins Ed d’n ierste, Hiërser euver de Poerkerplak Van d’n Bouteshaof wies op d’n Leues Graaf van de Viswages Goeverneur van de Plekbokse Opperbeschermhiër van Monique, Mitchell en Randy Beej de grasie van Vors Poerkwazel IV De Sirremoniemeister en de Wiëze Raod van Elluf Gaeve te verstaon en ordenere det: Ten 1e Weej Prins Louis II en zien Adjudante Barry en Peter bedanke veur unne geweldige vastelaovend Ten 2e In de Viskraom zal soms emus angers motte staon, umdet weej beej de Poerker veurop zulle gaon Ten 3e Weej staon heej same met ozze Sirremoniemeister klaor, as 50e Trio van de Poerker dit jaor Ten 4e Weej as Trio van de Plekbôkse heej now op de buun staon en same met och hielemaol los zulle gaon Ten 5e Auk al wuurt ut dees daag meistal wat later, met unne hièring in de nek kriege weej ginne kater Ten 6e Beej Bouteshaof en op d’n Leues zien weej dök te vinde, want heej woëne weej en un groët deil van os vrinde Ten 7e Det weej nog mièr gaon genete op de Poerkerplak dit jaor ,maar met de muts op en de mantel um is det vast gin bezwaor Ten 8e Dit jaor wuurt os Plekbôksepekske neet gebroek, want weej staon baove op de Prinsewaage en goeëje met sloek Ten 9e Weej zette veur de Vastelaovend efkes alles aan de kank, en make d’r ein groët fieës van met de scepter in de hank Ten 10e Dit jaor weej zeker neet as ierste vertrekke, maar wies in de late eurkes zulle blieve plekke Ten 11e Winse weej och allemaol unne schoëne Vastelaovend! Motto : Heej staon weej as Plekbôkse Trio dit jaor en fieëste wies in de late eurkes door!

Ga naar de bovenkant