Max van Wijlick

Max is de zoon van Fred en Monica, broor van Xander en vreejer van Sophie. Hae is 23 jaor ald en al hiel zien leave woënachtig in Hout-Blierick. Iers op de Moutzhofwaeg en now ut hukske um en de breevebus veurbeej op de Luuschwaeg.

Van maondig wies vriedig is Max werkzaam in de Transport & Logistiek, Hae helt zich ut leefs bezig met ut ontzurge van klante en de gevraogde kwaliteit levere. Boëte ut werk in de Transport & Logistiek haet hae sinds 2020 un eige bedriëf genaamd ‘’Mystery shirt’’. Heej mei is Max auk sinds dit jaor sponsor gewoare beej de Poerker. Mystery shirt is un bedriëf det voetballeefhebbers kinnes wil loate make met shirts die normaal neet gauw te vinge zien.

Zoëas wellich al duudelik waas is voetbal toch wal zien groëte hobby. Op zondig is Max op ut veld te vinge um same met de kammeraoj te voetballe. Verder kinse um bliej make met unne ‘’gooje’’ pot voetbal, un lekker drenkske met de vrinde of unne gezellige oavend oëteate met de vriendin.

Dries Titulaer

Dries is unne zoon van Erik van Hay van Sjaek van Meulepiet maar netuurlijk auk Dries van Shirley van Huub van Frits van de mellikboer. 23 vastelaoves jônk en gebaore/getooge in ôs prachtige dörp. Hae woënt nog thoes beej zien elders en breurs Jannes en Giep. Dries haet un vriendin te weitte Sofie.

Wellich zuujt geej um kinne van zien betrokkenheid beej de poerker, hbsv en zelflufs in ut verleeje beej ut kingervakantiewerk. Maar zeker auk van Aetkeffee de Elze wao hae wal 6 jaor lank idderein unne moeje aovend haet meuge verzurge.

Taegewoordig meug Dries zich docent neume op ut Yuverta college in Horst waor hae lierlinge met un specifieke hulp/ondersteuningsvraog begeleid en wao hae praktijkvakke meug gaeve. Verder is Dries nog trainer van ut 2de van HBSV en goeijt hae nog un dartpielke beej de Gats.